MECQ Sa Tri-Cities Gi-Extend Hangtud Sa Agosto 31

0
207

Cebu City – Gi-extend pa ang Modified Enhance Community Quarantine (MECQ) sa Tricities sa Mandaue, Lapu-Lapu ug Cebu hangtud sa Agosto 31, 2021.

Gumikan kini sa padayon nga pagsaka sa mga kaso sa Covid-19 virus sa maong mga lugar.

Kini ang gibutyag sa Tigpamaba sa Malacanang, Secretary Harry Roque.

Sa syudad sa Sugbo, gibutyag ni Acting Cebu City Mayor Michael Rama, kaganinang buntag nga nag brainstorming sila alang sa Executive Order nga ilang ipa gawas labot sa maong quarantine classification.

Alang ni Rama nga ang labing importante karong panahona mao ang “Pagpuyo sa Balay”.

Samtang, si Lapu-Lapu City Disaster Risk Reduction and Management Office (DRRMO) Head Nagiel Bañacia, mipahibaw nga sa 1,742 nga nagpositibo sa Covid sa syudad, kapin sa 1,100 ang gi home quarantine.

Kini tungod kay, matod pa ni Banacia nga ang tanang hospital ug isolation facilities sa syudad pulos na nanga pono.

Dugang niini nga mokabat ug 300 ka mga Covid-19 positive patients naa sa waiting list nga ma admit sa mga tambalanan.

Sa syudad sa Mandaue nga maoy labing gamay ug mga kaso sa Covid sa tri-cities, padayon sab ang ilang information dissemination labot sa quarantine classification ug mga angayng buhaton pagpakgang sa Covid-19 virus.

Unang gipa ubos sa MECQ classification ang tri-cities pagka Agosto 1, hangtud unta karong petsa, Agosto 15, apan gi extend kini hangtud na sa Agosto 31, 2021. (Jhon Tadlip)

(Source: Sec. Harry Roque | Public Information Office-Cebu City, Mandaue ug Lapu-Lapu)

LEAVE A REPLY

Please enter your comment!
Please enter your name here