Buhi, Camarines Sur — Kasalukuyang naghahanda ngayong araw ang Municipal Disaster Risk Reduction and Management Council (MDRRMC) sa darating na bagyo na maaaring pumasok sa Philippine Area of Responsibility (PAR) ngayong katapusan ng linggo.
Inaasahang maging bagyo ang low pressure area (LPA) na namataan sa silangan ng Mindanao na maaaring maging bagyong “Quinta.”
Patuloy na magbabantay ang MDRRMC sa mga update galing sa PAGASA ngunit minabuti ni Mayor Margie Aguinillo na bumuo na ng Emergency Operations Center at Incident Management Team sakaling lubusang maging bagyo ang LPA.
Sa kasalukuyan, pinagpaplanuhan na ng MDRRMC ang mga posibleng operasyon katulad “pre-emptive” at forced evacuation. (OIC Melvin Barayoga, RPN DZKI Iriga)
(Source: Municipal Disaster Risk Reduction and Management Council – Buhi)
