Cebu City – Nagsugod na pag-release ang Land Transportation Office o LTO-7 sa kapin sa19,000 ka plaka sa sakyanan kagahapon.
Suma pa sa LTO 7, gipahigayon ang distribution sa motor vehicle plates sa bag-o nga mga four-wheeled vehicles sa SM Seaside City sa SRP, Cebu City.
Hinuon, gitambagan ang mga tag-iya sa sakyanan nga ipa-schedule daan ang appointment sa pag-claim base sa minimum health standards.
Nagkanayon ang LTO 7 nga ipa-book ang pagkuha sa plaka aron maandam kini daan sa personnel sa ahensiya.
Matod sa ahensya, sayon ra ang pagpa-book kay i-text ra man ang impormasyon sa plaka ug MV file number, petsa sa unang registration, ug ngan sa tag-iya ngadto sa numero 0947-349-9965.
Bukas ang text line gikan sa Lunes ngadto sa Byernes, alas 8 sa buntag hangtod sa alas 5 sa hapon.
Gitambagan usab ang mga claimants pag-andam og photocopy sa OR o Official Receipt ug CR o Certificate of Registration ug photocopy sa bisan unsang valid ID nga isyo sa gobyerno.
Sa nasayran, gi suspenso ang pagpagawas sa mga plaka niadtong Marso 17 tungod sa hulga sa covid 19 pandemic. (Jhon Tadlip/JTY)
(Source & Photo: Land Transportation Office – 7)