Mainitong mipabati sa iyang pahalipay si City Mayor Darel Dexter T. Uy ngadto sa mga migradwar sa Probationary Officer Training Course (POTC) Class 57-2020 atol sa gipahigayon nga “Courtesy Call” kagahapong adlawa, Abril 05 ning tuiga didto sa City Mayor’s Office, City Hall ning dakbayan sa may alas-10:00 ang takna sa kabuntagon.
Nasayran nga katorse (14) ka mga “graduates” gikan sa 902nd CDC, 9RCDG, Army Reserve Command (ARESCOM) ang migradwar sa nasangpit nga kurso ug nagbansay didto sa 9RCDG, Kuta Dao, sa dakbayan sa Pagadian. Nagpa-ila usab ang mga “graduates” sa ilang tagsa-tagsa ka mga posisyon ug kung asa sila nga lugar nagagikan.
Ang nasangpit nga mga POTC “graduates” mao sila si: P2LT Josue R. Laput PA, P2LT Napoleon O. Tagala PA, P2LT John Ryan Y. Arañas PA, P2LT Chrisler A. Cutad PA, P2LT Angel A. Samorin PA, P2LT Ronel S. Romaro PA, P2LT Jayford C. Saldon PA, P2LT Ronil P. Tepanero PA, P2LT Vincent N. Campasas PA, P2LT Windelle B. Templado PA, P2LT Roselyn R. Alaman PA, P2LT Nerida B. Bernido PA, P2LT Arnel A. Libo PA ug P2LT July P. Brillo PA. (City Information Office-jnp)