Pagadian City – Nagpagawas ug pamahayag ang amahan ning syudad kabahin sa nahitabong ambush kagahapon sa brgy Tiguma diin patay ang biktima niini nga c Kapitan Ali Gampong.
Si Mayor Co ang nagpahatod sa iyang kasubo ngadto sa pamilya sa mipanaw tungod sa nahitabong krimen. Matud pa nya, nga dili siya mutoo nga walay gamhanang personahe ang nagpaluyo sa maong pagpatay tungod kay maklaro matud pa sa CCTV footage nga high financed ang mga suspetsado.
Ang pagpusil patay, gigamitan ug 4 wheels vehicle, Nissan Navarra diin ang gunman nga maoy mibira sa kapitan, migamit usab kini ug long fire arm, busa hugtanon ang Mayor sa iyang pagtoo nga Politika ang posibleng Motibo sa maong krimen.
Matud pa nga kada panahon nga magkaduol ang eleksyon, daghan na usab mga kaso sa ambush ug pagpusil-patay nga nangatala ning dakbayan ug probinsya.
Muhatag ug pahalipay nga 300-400 mil kan pesos c Mayor Co, sa bisan kinsa nga makatudlo, makasumbong o makahatag ug detalye sa mga suspetsado ug sakyanan niini.
Panawagan sa amahan sa lalawigan, nga kon ugaling Politika gayud ang nagpaluyo sa maong krimen, hinaot nga undangon na ang hugaw ug ngil.ad nga pamaagi sa pagpamolitika.
Kahinumduman nga si Ali Gampong ang 1st councilor sa Brgy Tiguma kinsa ang mihulip pagka punong brgy sa kanhi kapitan nga gipusil-patay usab tuig 2017. (Diocsil Sanico, RPN DXKP Pagadian OIC)
(Source: CMO Pagadian, photo courtesy of Media Link Pagadian)