Pagadian City – Dili uyon si Mayor Co sa nahimong pamahayag ni 1st district Congresswomen Divina Grace Yu kabahin sa mga Pagadianon isip walay mga sapi.
Sa usa ka presscon, si Mayor Co, nagkanayon nga dili siya mutuo nga walay kwarta ang mga tawo sa Pagadian, tungod kay kung mao, hagbay ra matud pa nagsarado ang dagkong mall ug supermarket sa syudad.
Panawagan sa Mayor ngadto sa kongresista, nga dili na lamang hilabtan ang plano sa syudad alang sa kalambuan. Sa susamang tumong nga mapataas ang employment rate sa syudad, paningkamutan matud pa sa pangagamhanang lokal nga matuman kini ug mahatagan ang Pagadianon ug maayong trabaho ug negosyo.
Kahinumduman nga una ng Nagpagawas ug pamahayag ang kongresista sa iyang opinyon kabahin sa pagpatukod ug Robinson’s Mall ug SM sa syudad sa Pagadian sa rason nga magsira gihapon kini kung waay kwarta ang nga tawo, hinuon, unahon pagpadato ang mga tawo diin kinahanglan matud pa unahon ang livelihood ug road widening alang sa mga mag uuma nga dali na lamang makasulod sa sentro.
(Diocsil Sanico, RPN DXKP Pagadian OIC)
