Nanawagan sa otoridad si Cagayan de Oro City Mayor Oscar Moreno sa pagdala sa hustisya sa tanang nagpaluyo sa kamatayon sa usa ka kadete sa Philippine Military Academy o PMA nga taga Cagayan de Oro kinsa nakabsan sa kinabuhi resulta sa hazing.
Nanawagan si Moreno alang sa masubsob nga imbestigasyon sa kamatayon sa usa ka 20 anyos nga si Darwin Dormitoryo aron ang tanang nalambigit sa iyang kamatayon mataral sa hukmanan.
Nasayran nga si Dormintoryo, usa ka 4th class cadet nga namatay tungod sa hazing-related injuries didto sa Fort del Pilar sa Baguio niadtong miaging semana, segun sa konpirmasyon sa kapolisan. Ang maong kadete nakasinati sa internal hemorrhage nga miresulta sa cardiac arrest sa PMA station hospital diin kini gidala tapos nakasinati sa pagpanakit sa tiyan.
Sa pamahayag ni Mayor Moreno siya nagkanayon nga subo kaayong palandungon nga kalit nahanaw ang pangandoy sa usa ka promising boy nga taga Cagayan de Oro samtang nagmasulub-on ang mga kagay-anons sa hinanaling kamatayon ni Dormitoryo.
Ang alma mater ni Dormitoryo nga mao ang Xavier University mipagula usab sa ilang pahasubo sa gidangatan sa maong kadete.