CAGAYAN DE ORO CITY- Gibutyag ni Mayor Oscar Moreno atoll sa press briefing kagahapon nga ang syudad sa Cagayan de Oro mogahin sa 25 milyones pesos alang sa konstruksyon sa Emerging ug Re-emerging Infections Diseases (Erid) facility sa syudad sa Cagayan de Oro. Ang maong pundo kuhaon gikan sa 156 milyones pesos nga Bayanihan to Heal as One Fund nga gitugot nasudnong kagamhanan.
Ang Erid facility mao ang motubag sa pagdagsa batok infectious disease sama sa Covid-19 apan mahimo usab nga pagagamiton alang sa disaster preparedness ug uban pa.
Ang syudad magpahimutang usab sa Biosafety Laboratory nga maglangkob na sa laboratory nga maglihok uban sa mga ahente may kalambigitan sa human disease sama sa pathogenic o infectious organisms nga magdalag moderate health hazard. Kini nga biosafety laboratory mao usab ang mopalig-on sa testing capability sa dakbayan.
Sa pagka karon, ang syudad sa Cagayan de Oro adunay us aka nag-function na nga Covid-19 testing facility. Laing tulo pa ang nagpaabot sa approval niini.