30 C
Manila
Saturday, April 13, 2024

Mayor Monet Personal Nga Gisusi Ang Proyektong Plaza Sa Lungsod

- Advertisement -

Davao del Norte –  Subling gisuta ni Mayor Jorjan “Monet” B. Federiso ang kahimtang sa padayong pagtrabaho sa rotonda ug plaza, lakip ang pagtul-id sa kalsada palibot niini.

Buot masiguro sa batan-ong mayora nga mahisubay sa plano ang gipahigayong proyekto.

“Gawas sa pagpanindot, hapsayon nato ang plaza, kalsada ug palengke alang sa turismo,” butyag ni Mayor Monet.

Gilatag sa Municipal Engineering Office (MEO) ang kinatibuk-ang hulagway sa plaza ug palengke sigun sa plano.

Dugang pa ni Engr. Arnel Dogoldogol nga ayoson usab ang kilid sa creek gikan sa tulay paingon sa market stall duol sa Purok 3 Brgy. Poblacion.

Human maplastar ang dalan sa kilid sa plaza, adunay gambalay nga itukod aron temporaryong ibalhin ang mga kan-anan ug uban pang mga nakapwesto duol sa creek aron sa pagtrabaho sa maong pasilidad.

“Laumi nga mas magwapa pa ang dagway sa atong lungsod aron makaagni kita og mga mamuhonan ug turista, ug sa ingon mokusog ang atong ekonomiya,” asoy ni Mayor Monet.

Ang pisikal nga pagpalambo sa New Corella nahipatik sa plataporma de gobyerno sa pamunoang Federiso-Lagumbay nga SERVICES, diin ang “I” nagpunting sa “Infrastructure advancement” sa lungsod.
(Municipal Information | OIC Michael Manguhig, RPN DXKT Davao)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -