Cagayan de Oro – Mipahasubo si Mayor Klarex Uy sa pamilya sa lima ka mga biktima sa sunog kagabii, Oktubre 10 nga nahitabo diha sa Lower Sumpong, Barangay Indahag ning syudad human mibisita ang mayor sa Bollozos Memorial Homes diin gidala ang mga patay’ng lawas sa biktima.
Mipasalig ang mayor nga abagahon sa kagamhanan ning syudad ang tanan galastuhon, lakip na ang libreng paghaya diha sa City Memorial Park, cremation ug pagpalubong.
Gawas pa niini, mitunol usab si Mayor Klarex og hinabang pinansyal alang sa nagbangutan nga pamilya aron sa ingon maibsan bisan gamay ang ilang gibati nga kagul-anan tungod sa mapait nga panghitabo.
Nasayran nga lakip sa mga biktima mao ang magtiayon nga gikasal ni Mayor Klarex atol sa ‘Kasalan ng Bayan’ niadtong Hunyo 24 diha sa Brgy. Nazareth, lakip ang ilang duha ka anak ug ayaan.
News and photo courtesy of Cagayan de Oro City Information Office