- Advertisement -
GENERAL SANTOS CITY – Halos nagsunod pagkamatay ang biktima nga nabanggaan ug ang driver sa motor nga nakabangga. Kini human gikumpirma sa traffic Enforcement Unit nga ilang girespondihan ang pedestrian accident sa magsaysay avenue kanto santiago boulevard miaging adlaw.
Giila ang biktima nga si Iglocita Payas 72 anyos nga taga Alunan, Calsanter Bula ning syudad samtang ang suspek nagpangalan ug Ruben Quinañola, 64 anyos nga taga Lily Valley, Calumpang ning syudad.
Matud sa TEU nga disgrasya ang nahitabo dihang milikay sa usa ka checkpoint ang drayber nga si Quinañola apan wala niini damha nga mabungguan ang biktima nga mitabok sa pedestrian lane hinungdan nga nabanggaan. Gumikan sa impact nabunal ang biktima ug nakaangkon ug samad sa ulo hinungdan nga gidala sa tambalanan apan pipila ka oras ang milabay nakabsan kini sa kinabuhi. samtang ang drayber ang gidala usab sa buhatan sa TEU alang sa imbestigasyon apan kalit kini nga giatake sa sakit sa kasing kasing kung asa gisulayan pa ug dala sa tambalanan apan gideklara kini nga dead on arrival.
- Advertisement -
