Davao City- Mipaila si Davao City Mayor Inday Sara Duterte ngadtu sa mga miyembro sa Association of Regional Executive of National Agencies kun ARENA XI nga bisan pa man nga nagkaduol nga Mid-term election diin ipatuman usab ang Election Ban, atimanon lamang gihapon ang katawhan nga nagkinahanglan ug tabang sa nagkadaiyang ahensiya sa Kagamhanan.
Gipasabot ni Mayor Sara nga usa ka ‘busy year’ ang 2019 alang sa Davao City gumikan ubay-ubay ang mga aktibidad nga ang siyudad sa Davao ang mag-host. Kini ang gibutyag ni Davao City Mayor Sara Duterte-Carpio human nahan-ay ang mga programa ning unang kuwarter sa tuig 2019.
Tungod sa daghang aktibidad sa syudad sa unang unom ka bulan ning tuiga, dili usab malikayan nga daghang individual ang moduol sa iyang buhatan aron mangayo ug hinabang human nga pakyas makapangayo ug tabang sa ubang ahensiya sa kagamhanan.
Si Mayor Sara nagbutyag human sa flag raising ceremony didto sa Peoples Park kagahapon uban sa gihimong Ceremonies and Lecture Series sa Association of Regional Executives of the National Agencies (Arena) Region 11.
Usa sa mga preparahan sa dakbayan mao ang Davao Region Athletic Association (DAVRAA) Meet 2019, ang 82nd Araw ng Dabaw, Ironman, Palarong Pambansa ug ang 2019 midterm elections.
Ang mayor nanghinaut nga magtinabangay ang tanang ahensya sa gobyerno aron mahatud nga paspas ug dunay senseridad ang serbisyo ngadto sa katawhan di lamang sa Davao City apan sa tibuok nasud.