Impanakkel ni Mayor Eddie Guillen ken Gob. Matthew Marcos Manotoc a Iimmawa ti namulaan ti tabako ti ili a Piddig iti daytoy a panawen ti panagtatabako.
Segun kenkuana, aglawa ti 165 nga ektaria ti namulaan ti tabako iti ili a Piddig ita a tawen
Inbunannagna a ti pagsayaatanna, ti naala nga imula a tabako iti ili a Piddig ket saan nga agkasapulan ti kayo ngem ti laeng baro ti init ti mangluto iti daytoy.
Inpanamnama ti Mayor a manayunan manen ti mamulaan ti tabako iti ili a Piddig ti masungad a tawen.
Impalgak ti Mayor a ti puntiriana a pamulaan ti tabako iti masungad a tawen ket dua gasut limapulo nga ektaria.
Innayonna nga inpagunamgunamna kadagiti mannalon ti panangisiguradoda a mai-record iti ilida dagiti mailako a produkto dagitoy a tabako. (Rosita Macalipis, RPN DZRL Batac Correspondent)
(Source: Provincial Government of Ilocos Norte)