Cagayan de Oro City – Base sa data sa contract tracing dinhi sa syudad nagpakita nga sa matag residente nga matakbuyan sa Covid-19, kini makatakod sa lain pang duha ka residente. Sa gibutyag ni Dr. Gina Itchon, ang hepe sa research and development department sa Northern Mindanao Medical Center o NMMC nga adunay pagdoble sa kaso sa syudad sa Cagayan de Oro sa Covid-19 sukad niadtog miaging semana gani pa man, matud niya, adunay pay kaso nga ilang nasuta nga sa matag residente nga matakbuyan, laing upat pa ka residente ang matakdan.
Ang city health office mitaho sa taas nga kaso niadtong unang adlaw sa Oktubre diin, 23 ang natala nga kaso, isa ang patay. Sayo niini nasayran nga ang maong opisina mirehistro sa 48 ka kaso sa Covid-19 ug 42 ka mga police ang natakbuyan sa maong coronavirus. Niadto sab ng nakalabay’ng weekend ang CHO nakarecord sa pinakataas nga kaso nga niabot sa 92 ug duha ang patay.
Matud pa ni Dr. Itchon mograbe pa ang sitwasyon kon ang mga residente nagpadayon sa pagpabaya ug dili motuman sa health protocols sama sa pagsul-ob sa face masks ug sa pagsunod sa social distancing ang city health office mibasol sa mga trabahante nga mopauli sa ilang panimalay nga dili magdisinfect aron dili moincrease ang infections.
Si DOH-10 Regional Director Dr. Adriano Suba-an mitambag sa mga local government units sa pagtukod pa sa dugang isolation facilities ug pagpatuman sa dugang pa nga contract tracing. (City Health Office)