Gitakdang ilusad sa dili madugay sa pribadong sector ang massive rapid testing sa coronavirus disease kun Covid 19.
Kini ang gipahibawo sa founder sa Go Negosyo nga si Presidential Adviser for Entrepreneurship Joey Concepcion.
Sa usa ka news release nga gi-post kagahapon sa website sa Go Negosyo, si Concepcion miingon nga ang maong lakang gituki na atol sa consultative meeting niadtong Abril 9.
Lakip sa nanambong sa tigum ang tsirman sa National Task Force kun NTF on COVID-19 nga si Defense Secretary Delfin Lorenzana, NTF chief implementer General Carlito Galvez, ug mga lider sa patigayon.
Sa milabayng mga semana, si Concepcion namahayag nga ang pribado ug publikong sector nagpasiugda og mga dayalog, nag-ambitay sa mga ideya, estratehiya ug proposal unsaon pag-atubang ang virus nga dili kaayo maapektahan ang ekonomiya.
Sumala pa ni Concepcion, ang naasoyng lakang gibasi sa mga hunahuna nga gipaambit sa pribadong sector ilabi na ni kanhi health sec. Manuel Dayrit, Dr. Rizzy Alejandro sa Ayala Group ug Dr. Minguita Padilla nga clinical associate professor sa Philippine General Hospital-UPCM.
Usa sa mga key strategies nga girekomendar ang selective barangay quarantine nga gisuportahan sa mga secretaries