General Santos City – Nagtuo ang City-Inter-Agency Task Force for the Management of Emerging Infectious Diseases (IATF) nga dala lamang sa “frustrations” ang giluwatang pamahayag ni Philippine Medical Association-GenSan chapter president Dr. Fidel Peñamante nga kinahanglan mag-andam na og mass grave ang siyudad, taliwala sa nagtaas nga kaso sa Covid-19.
Matod pa ni local-IATF Incident Commander, Dr. Jett Oco, luyo sa padayong pagdaghan sa mga natakbuyan sa pandemiya, anaa sa 80 percent matod pa sa maong Covid patients ang naka-rekober na.
“I cannot speak for President Peñamante but I think it was out of desperation because lot of the hospital here are really full. But if you can recall we are actually reporting more than 80 percent recovery. While mataas ang kaso, a vast of our cases are recovering po.”
Base sa September 10 tracker bulletin sa Department of Health, gikan sa 10,999 total cases sa siyudad, 974 sa mga niini ang aktibong pasyente ug 9,654 na ang naka-rekober.
Napatik usab sa maong DOH report ang 371 total deaths.
Pagpaklaro pa ni Oco, nasabtan niini ang gibati sa maong opisyal sa PMA ug sa mga health workers gumikan sa halos wala nay igong pahulay ang mga nasampit sukad nga miulbo ang pandemiya niadtung 2019.
“Nararamdaman ko po ang frustration, hinaing ng ating heath care workers kaya na-mention iyon ni President Peñamante.”