31.9 C
Manila
Tuesday, March 19, 2024

Mass Baptism Sa Montevista Gipasiugdahan Sa Kasundaluhan Ug Kapolisan

- Advertisement -

Davao de Oro –Malipayon ang 39 ka mga Pamilya sa Brgy. New Dalaguete, Lungsod sa Montevista Davao de Oro, gumikan sa libreng Mass Baptism nga gipaluyuhan sa mga sakop sa Revitalized Police sa Barangay kun RPSB ug Kasundaluhan.

Nasayran nga nag-edad og duha ka bulan ang pinakabata ug 54 anyos nga pinakaguwang sa mga  midawat sa sakramento sa bunyag nga gipanalanginan sa lima ka mga Pari nga naggikan sa Kasundaluhan ug Kapolisan.

Ang mga hintungdan mga Pari naglangkob nila Rev. Fr PLTCOL Marlou Labares , CHS PNP,  Rev. Fr. / LTC Melchor H. Torayno, PA , Rev. Fr./ LTDR Tyrone Narsima, PN, Rev. Fr. / LT. Peter A. Esarza  ug Rev. Fr. / CPT Hernando Batomalaque, PA.

Nasayran nga gihimo ang nahisgutang Mass Baptism dihang na-montar ang Revitalized Pulis sa Barangay (RPSB) sa Barangay New Dalaguete nga gipangulohan nila PLt.  Ramil Anthony D. Maxey ug PLt. Analou Hormigas.

Nasayran pa nga daghang mga kabataan ingon man mga hamtong nga wa pa makadawat sa sakramento sa bunyag ug aron nga matabangan ang  mga molupyo  gipahigayon ang maong programa nga diin sa maong okasyon gisaksihan kini sa mga opisyal sa PNP-Regional Office , 10th ID Division sa Phil. Army , mga ginikanan ug mga opisyales sa Barangay nga gipagulohan ni  Kapitan Jolly Salvador.

Gikalipay ni Montevista Mayor Eutropio “ Topoy “ Jayectin kinsa usa sa mga Ninong sa 39 ka mga binunyagan gumikan sa malampusong Mass Baptism. Sumala pa niini nga dako king tabang sa mga benepisyaryo aron sila hingpit nga mamahimong krestiyano.

Gawas sa Libreng Mass Baptism, miabag usab ang Mayor ug libreng pakaon sa mga mitambong sa okasyon samtang gihatagan usab ug cash ang mga bag ong gipangbunyagan.

Mitambong usab sa okasyon ang Kadagkuan sa Kapolisan sa Regional Police Office ug mga opisyal sa 10th Infantry Aguila Division Philippine Army. (OIC Michael Manguhig, RPN DXKT Davao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -