Davao City – Gisiguro sa Davao City Overland Transport Terminal (DCOTT) nga mas hugtan ang seguridad atol sa pagsaulog sa Semana Santa.
Sumala ni DCOTT manager Aisa Usop, nga gilauman nila ang pagdagsa sa mga tao sunod semana hinungdang nakipag-alayon na sila sa Davao City Police Office (DCPO) ingon man Task Force Davao (TFD) alang sa pagpatuman sa kahapsay ug kalinaw sa dakbyan.
Dugang niini, nga napahibalo nasab nila ang mga bus operation managers alang sa pagdugang og mga bus units nga mubyahe sa maong mga adlaw arun nga way pasaherong mabilin.
Samtang, gibutyag sa opisyal nga una ng nag-ingun si Davao City Public Safety and Security Office (PSSO) head Retired Colonel Angel Sumagaysay nga walay namonitor nga direktang hulga ang Davao City.(Camille Santos Naraga)
(Source: DCOTT)