Davao City – Dili na mabalaka pa ang mga residente sa Marilog District ning siyudad sa Dabaw alang sa ilang medikal nga panginahanglan human nga duna na’y hospital sa ilang distrito nga mao ang Marilog District Hospital nga muatiman sa mga pasyente sa ilang lugar.
Ang nasangpit nga ospital muhatag sa igo nga serbisyo sama sa admissions, minor surgeries, Obstetrics, Gynecology services, Ears, Nose, Throat cases, dental services, out-patient ug 24 oras nga abli ang maong ospital.
Adunay Ten-bed capacity ang Marilog District Hospital, ug dunay licensed to operate gikan sa Department of Health, Philhealth accredited, animal bite center, pharmacy ug lingap office. Samtang ang botika ng bayan ginahan-ay na usab arun nga maablihan.
Gumikan niini wala na’y igo’ng rason nga muadto pa ang mga residente sa Marilog District sa laing ospital gawas na lamang kung ang maong ospital na mismo ang muingon nga kinahanglang dalhon sa laing ospital ang pasyente.
(Source: Davao City Information Office)