Marawi rehab fund naibalik na sa Nat’l Treasury

Naibalik na sa National Treasury ang mahigit sa P400-milyong bahagi ng pondo para sa rehabilitasyon ng Marawi City.

Ayon kay Acting Budget Secretary Wendel Avisado, ang pagpapalabas nila ng pondo ay depende sa endorsement ng National Disaster Risk Reduction and Management Council (NDRRMC) at approval mula sa Tanggapan ng Pangulo.

Sa ilalim anya ng panuntunan, ang pondo ay ilalabas lamang kapag naaprubahan na ng tanggapan ng pangulo ang proyekto na iniendorso ng NDRRMC mula naman sa mga project proposals ng mga implementing agencies.