Impsingked ni Gob. Matthew Marcos Manotoc a saan nga agsarday iti panagibunong ti Probinsia ti Agri Inputs a kasapulan dagiti mannalon ken ramit met a kasapulan dagiti mangngalap.
Mainaig iti daytoy, impeksa ti gobernador iti panagyamanna iti BFAR under secretary Cheryl Narie Natividad Caballero ken Dept. of Agriculture Sec. William Dar gapu iti agtultuloy a panangtulong da kadagiti kailian.
Maipalagip nga itay laeng nabiit, nagibunong manen ti probinsia kadagiti inted ti BFAR a cash ken food subsidy Assistance kadagiti marginalized fisherfolk wenno mangngalap idiay Currimao.
Mamati ti gobernador a babaen kadagiti mait ited a tulong kadagiti mannalon ket sumayaat iti apit ken manayonan pay iti mapastrek da kasta met kadagiti mangngalap ditoy Ilocos Norte tapno umadu pay ti maala da nga ikan ken mapaglakuan da.
Daytoy met ti pagraksakan ken pagyamyamanan ti gobernador iti biang ti Dept. of Agriculture ken ti Bureau of Fisheries and Aquatic Resources iti saan da a panagbaybay-an kadagiti kailian nga Ilokano.
(Ronald Domingo, RPN DZRL Batac Correspondent)
(Source: Provincial Government of Ilocos Norte)