Cebu City – This it it! My long time vision is about to happen.
Kini ang mensahi sa “Little Merman” sa isla sa Mactan sa iyang bag-ong hagit sa paglangoy nga giulohan ug “Clean our Seas, Save the Oceans”.
Gitakdang mosoway ug mokulit ug kasaysayan si Cleevan Kayne Alegres ang gitawag nga “Little Merman” isip labing unang Oponganon open swimmer nga molangoy toyok sa tibok sa isla sa Mactan, Sabado, Abril 25, 2021.
Tumong sa maong hagit mao ang pagpanalipod sa kadagatan pinaagi sa pagpanglimyo sa mga basura, nonot sa ika 500 ka tuig sa Kadaugan sa Mactan.
Alas 5 sa hapon, mosugod si Alegres pagsikad ug kabya sa dagat tungod sa Liberty Shrine, Barangay Mactan, Syudad sa Lapu-Lapu sa clockwise nga direction.
Matod ni Alegres nga gikan sa Liberty Shrine, molangoy siya padung sa Punta Engano Artierra, the tip of Punta Engano,all the way to Mactan, Maribago, Marigondon, and Roro Port Cordova, cut sa mangroves, until we reach the Cordova to Cebu Bridge, Kalawisan, going to Toril (that’s Canjulao), Old Bridge-New Bridge, then balik sa Liberty Shrine.
Alang niadtong buot mosaksi sa paglangoy ni Alegres gibana banang mo-abot siya sa old Bridge ug New Bridge alas 8 sa buntag ngadto sa alas 10, Lunes, April 26, 2021.
“Makita ra man na kay naay mag convoy, murag fluvial gamay nga mag paddle, mag bugsay, mag kayak, mag pumpboat, magsunod nako while nang limpio sad sa dagat,” matod ni Little Merman.
Una nang nalibot ug langoy niini ang isla sa Olango nga dunay gibana banang 25 ka kilometros, sud sa 12 ka oras sayong bahin sa buwan sa Abril.
Mapasalamaton kini sa tanang tawo nga misuporta kaniya, lakip na ang kagamhanang lokal sa Syudad sa Lapu-Lapu ug mga nihatag ug gugma sa iyang paglangoy.
“To everyone, please pray for me, please wish me luck and more power to my swim,” hangyo sa Oponganon swimmer. (Jhon Tadlip/JTY)
(Source: Cleevan Kayne Alegres Swimming Team, photo courtesy of Budots Media)