Nakurkurang ngem duapolo ribu a mannalon ti Ilocos Norte bebepisiario ti RFFA profram
Binigbig ni Bise Gob. Cecilia Marcos dagiti mannalon a “ Forever Heroes”.
Inlawlawagna daytoy ket gapu iti naruay a sakripisio dagit mannalon tapno laeng maadaan ti ipauneg a taraon dagit umili, saan laeng a dagitio Ilocano ngem dagiti amin Filipino.
Impadanon ti bise gobernador ti napalaus a panagyamanna kadagit mannalon a mangbusbusog a kanayon kadaitiumili.
Segun kenkuana, dua ribu dagiti mannalon ditoy probinsia nga immuna a nakaawat ti saglilima ribu a pisos manipud iti Rice Farmers Financial Assistance wenno RFFA program ditoy probinsia.
Impannakkelna a daytoy gapu iti panagitrabaho ni Senador Imee Marcos.
Kunana a napanunutan daytoy nti senador gapu iti masansan a panagpasar dagiti mannalon iti perdision kadagiti kalamidad ken kangrunaanna iti nababa a presyo ti irik.
Inbunannagna a kiniddaw ti senador iti Department ti Agrikultura babaen ken ni DA Sec. William Dar iti pannakaipal ti “palay buy back program” ken “emergency cash assistance” gapu ta dagiti mannalon ti umun-una iti puso ti senador agsipud ta dagitoy mangipapaay iti taraon dagiti Umili.
Malaksid iti daytoy , impalgak ti bise gobernador a nagpailatang pay ni Gob. Matthew Marcos ti sangapulo a million a pisos para iti “buy back program”.
Innayonna a daytoy ket nayun a tulong kadagiti mannalon ditoy probinsia