Mipahigayon ug usa ka Mandatory Drug Testing ang buhatan sa BJMP Dipolog City Jail Male Dormitory ngadto sa ilang mga personahe ug sa mga PDL sulod sa pasilidad, mga alas 9:45 ang takna sa kabuntagon niadtong Mayo 24,2024.
Ang maong kalihokan pinangulohan ni CINSP ARVIN DAN R AGUITO, City Jail Warden, diin muabot sa 59 ka mga personahe (100%) ang nipailawom sa maong testing, nga gilangkuban sa 46 ka lalaki ug 13 ka babaye ug 36 PDL (25%) ang gisulayan gikan sa 144 populasyon sa prisohan.
![](https://rpnradio.com/wp-content/uploads/2024/05/Mandatory-drug-testing-for-PDLs-and-personnel-in-BJMP-city-jail-300x256.jpg)
Si Medical Technologists Zebedee C. Ebron, gikan sa Corazon Aquino Hospital ug Hipolito C. Dalmacio, City Health Officer, inabagan sa superbisyon sa 7 ka PDEA personnel nga gipangulohan ni IA1 Draude Tan, Team Leader, ang nipahigayon sa drug testing activity.
Sa maong kalihokan ang mga partisipante nakakuha sa kinatibuk-an nga resulta nga negatibo alang sa presensya sa methamphetamine, tetrahydrocannabinol nga substansiya,ug druga diin nagpamatuod sa integridad ug kaluwasan sulod sa pasilidad. (Medalyn U. Borja)
(Source: BJMP Dipolog City JailMale Dormitory)