Gadugang kasadya ang gipahigayon nga Hudyaka Drag Race Competition diin didto gipahigayon sa Sunset Boulevard Dawo, Dapitan City, kagahapon adlawa Mayo 26, 2024.
Ang maong nahisgutan nga competition isip pagsaulog sa selebrasyon sa ika-72nd Founding Anniversary/Hudyaka Festival sa lalawigan sa Zamboanga del Norte.
Ang nasangpit nga kompetisyon gipalanog kini sa pangagamhanan ni Provincial Governor Rosalina “Nanay Nene” Jalosjos ug sa Zanorte Cykool Limited Promotion (ZCL) sa pagpangulo ni ZCL Chairman MJ Jamolod ug director for legal affairs Atty. Ivan Patrick Ang, director for media affairs Michael Duran, sa mga deriktiba for ways and means, ug mga myembro sa ZCL.
Ang nahisgotang drag race gilangkuban sa nagkalainlaing racers gikan sa gawas ug sulod ning probinsya nga gidugok sa mga manan-away.
Matud pa nga usa sa gihatagan ug parayoredad sa dakbayan sa Dapitan mao ang tourism and entertainment diin si Governor Nanay Nene Jalosjos nahimo unang mayor sa Dapitan ayha kini nahimong gobernador sa lalawigan maong suportado niya ang nasangpit nga aktibidad.
Karong umaabot petsa Mayo 29 pagabuksan na ang Hudyaka Festival nga motapos karong Hunyo 6 nga maoy adlaw’ng natawhan sa Zamboanga del Norte.
Kahibaloan nga daghanan pang mga kalingawan ang giandam sa kagamhanang probinsyal para sa mga Zanortehanon. (Angelica T. Obina)
(Source Dapitan City Government)