Sugod karong adlaw’ng Lunes, May 31, balik na ang operasyon sa mga malls ug uban pang business establishments sa General Santos City, human amyendahan ang general community quarantine measures sa siyudad.
Subay sa bagong Executive Order No. 26, tugutan na ang operasyon sa mga essential retail trade ug service establishments, sama sa public markets, malls, supermarkets, grocery stores, convenience stores, pharmacies or drug stores, hardware, office supplies, bicycle shops, laundry shops ug mga water refilling stations.
Gawas niini, gitugutan na usab ang pag-abli sa mga beauty salons, beauty parlors, medical aesthetic clinics, cosmetic o derma clinics, make-up salons, nail spas, reflexology, aesthetics, wellness and holistic centers ug susamang mga establisyemento.
Dugang pa niini, tugutan na usab ang pagbiyahe sa mga tricycles, sa asa man sa siyudad, human gibawi ang “clustering” sa ilahang rota.
Subay sa EO 26, istrikto pa gihapong ipatuman sa General Santos City ang “no movement on Sundays”, liquor ban ug nightly curfew.
Una nang gipamahayag ni Mayor Ronnel Rivera nga gihimo kini sa city government aron matabangan ang mga sektor nga labaw’ng naapektuhan sa gipahugtang quarantine measures sa siyudad.
(John Rey Somido)