Mahigit 40,000 COVID-19 tests naisagawa na ng DOH

Mahigit sa 40,000 tests ang naisagawa ng Department of Health (DOH) sa unang araw ng targeted mass testing para sa coronavirus disease 2019 (COVID-19).

Ayon kay Inter Agency Task Force (IATF) Spokesman at Cabinet Secretary Karlo Nograles, umabot sa 38,000 indibidwal ang sumalang sa COVID-19 testing.

Sinabi ni Nograles na malaki ang epekto nito sa imbentaryo ng mahigit lamang sa 99,000 test kits ng DOH.

Gayunman, tuloy-tuloy aniya ang mass testing dahil marami pang test kits ang nakatakdang dumating sa bansa.