Tinatayang 250 bilanggo mula sa New Bilibid Prison (NBP) ang inilipat sa Iwahig Prison and Penal Farm sa Palawan.
Ito, ayon kay Bureau of Corrections (BuCor) Director Ronald “Bato” Dela Rosa, ay dahil siksikan sa Bilibid.
Mas pinili aniya nilang ilipat ang mga bilanggo tulad ng mga drug offender sa maximum security compound na nagpakita ng malaking pagbabago.
Nilinaw naman ni Dela Rosa na hindi mga high profile ang kanilang ipinadala sa ihawig upang makapag-bagong buhay lalo’t marami reform o rehabilitation programs at agricultural activities sa naturang lugar.
Bagaman nasa 18,000 ang mga bilanggo sa NBP sa Muntinlupa City, 5,000 lamang ang kayang i-accommodate nito.