Cebu City – Napalgang patay ug nanimaho na ang lawas sa magtiayon sud sa ilang itom nga Estrada pick up missing kinsa na missing pipila na ka adlaw.
Ang San Fernando Police Station nakadawat ug Dead Person Alarm sa Sitio Caanday, Barangay Tañanas, Lungsod sa San Fernando, pasado alas 7 kagabii, Biyernes, Hunyo 19, 2021.
Ang magtiayong biktima giila nga si Gavino Sanchez ug ang iyang asawa nga si Arlene Sanchez, magtutudlo, nagpadagan ug daghang negosyo ug molopyo sa Tubod, Minglanilla, Cebu.
Gikonpirma sa manghud nga si Police Major Eduard Sanchez nga ang maong sakyanan nga Estrada pick up gipanag-iya sa iyang maguwang ug sa iyang sister-in-law kinsa napalgang patay sud sa sakyanan.
Gibutyag ni Police Major Sanchez nga gipahibaw siya sa anak sa iyang maguwang( Gavino) nga si Aileen nga matod pa dunay napalgang patayng pick up ug patayng sud sa sakyanan.
Dunay mi private message kang Aileen labot sa nakit-ang pick up ug mitakdo kini sa sa ilang sakyanan.
Gibutyag sab sa asawa ni Police Major Sanchez nga si Asel Sanchez, nga mokabat ug 10 milyones ang bana bana nga nadala sa ning dagit ug mipatay sa magtiayon.
Suma pa ni Asel nga balig P5 milyones pesos ang sud sa vault, dugang pa ang kwarta nga gisud sa karton nga gikan sa halin sa tubig.
Duna pay P50 mil pesos ug P20 mil nga na withdraw pagka alas 4 sa kadlawon, Hunyo 17, 2021 gikan sa duha ka lainlaing bank accounts.
Sa gisaysay ni Police Major Sanchez, dunay nakita nga sakyanan nga dunay sakay nga armadong tawo ang migukod sa biktima nga si Gavino pasado alas 4 sa hapon, niadtong Miyerkules Hunyo 16, 2021.
Giingong na rattle si Gavino ug ninaug sa Estrada; gipasakay ra pod kini ug balik saud sa Estrada.
Niadtong higayon, misibat ang laing sakyanan nga migukod sa Estrada.
Nianang pagka alas 10 sa gabii sa samang adlaw, nakit-an nga mibalik si Gavino sa ilang balay sakay gihapon sa Estrada pick up.
Matod pa nagdali kinig sud sa ilang balay ug nibalik ra sab ug sakay.
Dali kini nga naka pabulhot palayo ang ilang gisakyan.
Pagka buntag, nahibung na lang ang ilang anak nga wa diha ang iyang amahan ug inahan.
Nagkatag na sad ang parte sa ilang balay.
Sa pila nila ka adlaw nga pagpangita, kagabii na lang nila masayri ang gidangatan sa sakop sa ilang pamilya.
(Jhon Tadlip/JTY)
(Source: San Fernando Police Station | Radio Interview ni Police Major Eduard Sanchez, manghud sa biktima)