Patay ang mag-asawa lakip na ang apo niini nga 5 anyos nga batang babaje. Kini human aksidenting nakasungag ang gisakyang motorsiklo sa isa ka Mixer Truck kagahapong adlawa sa may National Highway, P-5, Brgy. San Pedro, Sison, Surigao del Norte sa may alas 6:20 ang takna sa gabie.
Nakilay-an ang mga biktima nga sila ni MANUELITO FLORIA CAPILITAN, 55 anyos, menyo, panday samtang ang back rider nakilay-an nga sila ni VILMA AVILA CAPILITAN, 50 anyos sanan CRISTAL JOY CAPILITAN CAHIPE, 5 anyos residente sa P-6, Brgy. San Pedro, Sison, Surigao del Norte. Sila sakay sa isa ka HERO SKYGO nga motorsiklo nga nakarehistro kay Vilma A Capilitan.
Samtang ang suspetsado nakilay-an nga si ROBERT REYES SALAMERO, 47 anyos, menyo, residente sa Minaga, Morong, Bataan ug lumad nga taga Inambagan, Samar. Ang maong suspetsado nagmaneho sa FUSU MIXER Truck nga may plate No. CAT 8307 nga naka rehistro sa Murami Subic Trading Corp. sa Olongapo City.
Sa imbestigasyon ni PSSG. Ariel Dangate nasayran nga ang driver sa motorsiklo ang pasingod sa siyudad nga direksiyon samtang ang mixer truck ang pasingod sa Butuan nga direksiyon. Apan pag-abot sa lugar nga diin nahitabo ang aksidente, ang maong mixer truck ang mi-overtake sa pikas linya sa dayan ug didto nagkasungag ang duha ka mga vehikolo.
Dead on the spot ang mag asawa samtang tagdaya pa sa hospital ang 5 anyos nga bata na babaje apan gideklara kini nga dead on arrival pinaagi sa doktor. Dugang pa sa imbestigasyon nasayran usab nga ang driver sa truck ang ubos sa impluwensiya sa ilimnong makahubog.
Sa pagkakuman an driver sa truck lakip na ng duha ka mga sakyanan nga nalambigit an jaon kuman sa kustodiya sa Sison PNP. Posibling mag-atubang sa kasong Reckless Imprudence Resulting to Multiple Homicide sanan Reckless Imprudence Resulting to Damage to Property ang mixer driver. (Mark James Lisondra, Ronda 21 RPN DXKS)
