Cebu City – Gibutyag ni Land Transportation Office (LTO 7) Director Victor Caindec nga wala nakapasar ang ubang public utility jeepney (PUJ) sa inspection sa Cebu City alang na sa ilang pagbalik sa pagbyahe.
Matod ni Caindec nga importante nga andamon ug sakto ang mga sakyanan dili lang para sa protection sa Covid, dapat apil gyud ang sakto nga condition sa unit nga mo dagan sa kadalanan.
“Bisan ug wala nabalita, EVERYDAY nag conduct ug operations ang LTO7. Mao ni nga ang uban trucks maparahan, mo reklamo ngano gi hunong sila,” sigon pa sa Caindec.
Nagkanayon ang director nga daghan na kaayo nga trailers nag dagan nga wala or expired ang rehistro, walay mga suga, hilis ang mga ligid.
Duna pay nabantayan nga dili pa gyud i connect ang hydraulic sa brake, hinungang daghan na disgrasya.
Alang ni Caindec nga angay unta nga sabton, bisan kada adlaw manakop ang LTO, dili tanan panahon ma timingan ang badlongon.
Awhag niya nga mag tinabangay ang tanan, ug gusto ang katawhan nga mahapsay ang mga dalan. (Jhon Tadlip/JTY)
(Source & photo courtesy of Victor Caindec account)