Davao City: Gipahimangnuan sa Land Transportation Franchising and Regulatory Board kun LTFRB-XI ang mga operators ug drivers, apil na ang mga commuters nga dapat strikto ang pagsunod sa 7 Commandments samtang anaa sa pampublikong sakyanan aron malikayan ang Covid-19.
Kini ang mga sumusunod:
- Magsuot og face mask ug face shield.
- Bawal ang magtabi, makig-istorya o motubag sa telepono.
- Bawal ang mokaon.
- Kinahanglan ang sakto nga bentelasyon.
- Kinahanglan ang kanunayong disinfection.
- Bawal magsakay og symptomatic na pasahero.
- Ipatuman ang physical distancing (one-seat apart).
Apil sa gipahimangnuan sa LTFRB-XI ang mga drivers ug operators sa nagkalain-laing terminals, mga drivers sa taxi, bus ug UV, mga drivers sa PUJs nga anaa sa kadalanan, asta ang mga pasahero niini.
“Para sa atong pamilya ug para sa atong kaugalingon, kinahanglan sundon jud nato ning 7 Commandments aron magmalampuson kita sa labing daling panahon batok sa Covid-19. Sundon nato ang mga patakaran sa gobyerno kay kini para ra pud sa atong kaayuhan”, sumala pa ni Regional Director Nonito “Dondon” Llanos III, ang bag-ong Director sa LTFRB-XI….. OIC Michael Manguhig RPN Dxkt Davao