Pamumunuan ni Defense Sec. Delfin Lorenzana ang special committee na mangangasiwa sa evacuation at posibleng mandatory repatriation ng mga Pilipinong nasa Middle East.
Ito ang binigyang diin ni Presidential Spokesman Salvador Panelo, kung saan inatasan na aniya ni Executive Sec. Salvador Medialdea si Lorenzana upang tiyaking ligtas ang mga Pinoy nasa Middle East.
Ayon kay Panelo, si National Security Adviser Hermogenes Esperon naman ang tatayong vice-chairperson ng naturang, komite habang miyembro rin naman nito sina Foreign Affairs Sec. Teodoro Locsin Jr., Labor Sec. Silvestre Bello III, at Transportation Sec. Arthur Tugade.