Posibleng molawig pa ug 7 ka adlaw o mas taas pa ang gipahigayong total lockdown sa General Santos City Fish Port sa Barangay Tambler alang sa ipahigayong contact tracing ug dis infecting ilawom sa pagdumala sa PFDA o Philippine Fishport Development Authority. Kini human gipatuman karong adlawa September 2, 2020 ang nahisgutang lock down sa market 1,2, ug 3 depende sa result status sa contact tracing nga gipahigayon. Subay usab niini mipadayag usab ug dakong suporta ang SFFAII o Soccsksargen Federation of Fishing & Allied Industries Incorporated sa gihimong lakang sa syudad aron masiguro ang kaluwasan sa tanan batok sa pandemya nga una nang giangkon sa amahan sa syudad Mayor Ronel Rivera kagahapong adlawa pinaagi sa social
Media account sa syudad nga mi qualify na ang Gensan aron tawgon kining anaa sa local transmission ang covid -19 sa Gensan.
Kahibaluan nga kini ang pinakaunang higayon nga nagpatuman ug pagpahunong sa operasyon sa Fishport Complex, sukad nga na-inagurahan kini niadtung 1997.
Subay sa datus, anaa sa kapin 25,000 ka ma mga trabahante ang direktang gasalig sa tuna industry sa SocSarGen area diin anaa niini ang unom ka mga dagkong tuna canerries nga naga export ug mga tuna sa nagkalain laing parte sa tibouk kalibutan. (OIC Cris Legaspi, RPN DXDX GenSan)