Maatap nga addan ti local transmission iti covid 19 ken dadduma pay a variants ditoy Ilocos Norte. Daytoy ket gapu iti alisto a panagwaras ti virus manipud kadagiti naapektaran iti infection iti nagduduma a paset ti probinsiya kangrunaana iti ciudad ti Laoag ken iti Batac city.
Kuna ni Major Roxane Parado, mangidadaulo iti contact tracing team ti covid 19 ditoy Ilocos Norte nga ikarkarigatan da a matuntun amin agingga iti maikatlo a henerasion dagiti naapektaran iti delta, beta ken alpha variants ti covid 19. Karamanen ditoy iti taga Bacarra, San Nicolas, Pagudpud ken iti ciudad ti Laoag.
Kunana a dua kadagitoy ti nag negatibo ngem adda met dagiti nagpositibo iti RT- PCR test nem nakarekobren dagitoy. Immun una ngem iti daytoy, 8 dagiti kumpirmado a naapektaran iti alpha, 5 iti delta ken maysa iti beta a naganay aminen iti 14.
Iti baet daytoy, naisayangkat met ti contact tracing iti nakapulapol dagiti nagpositibo agingga iti fifth generation tapno maiyendorsar da kadagiti City health Office ken Municipal Health Office para iti swab testing.
Maipalagip a ti alisto a nagwarasan iti infection ket gapu kadagiti maisaysayangkat a birthday party, patabon ken dadduma pay a paggaadduan iti tao.
(Cita Macalipis, RPN DZRL Batac Correspondent)
(Source: Provincial Government of Ilocos Norte)