General Santos City – Wala pa gyud nakab-ot sa Gensan ang target nga 50% sa unang booster shot. Gibutyag ni Dr. Jett Oco, labaw sa City Health Office Gensan nga sagad sa mga nakadawat ug 1st ug 2nd dose ang wala nakapa-booster shot.
Pagpaklaro niini nga mas kinahanglan nga magpa-booster shot gumikan aduna pay mga variants of concern ug nagpabilin pa gihapon ang covid 19.
Sa karon, anaa pa lang sa kapin 20% ang mga nakadawat ug 2nd booster shot gikan sa mga eligible population.
Samtang gi-angkon ni Dr. Oco nga hangtud sa karon wala pa gyud nag-convene ang local IATF sa syudad kung asa nagahatag na matud pa sila ug letter request ngadto kang Mayor Lorelie Pacquiao ug aduna na silay nahitabong inisyal nga panagpulong.
Apan gibutyag niin nga bisan ug wala pa nag-convene ang local IATF sa syudad kanunay ang update nga ginahimo ni Mayor Pacquiao ngadto sa City Health sa estado sa covid sa dakbayan.
Gi-klaro usab niini nga wala pay gipagawas nga unsa mang resolusyon ang LGU Gensan may kalabutan sa optional nga pagsul-ob sa facemask ug dili pa usab sila pabor niini hilabina nga nagpabilin pang mubo ang ihap sa mga nakadawat ug booster shot. (John Rey Somido)
