Nahimong nagmalamposon an tuyo ka adlaw na pagbansay-bansay na Local Development Planning Workshop na tagpangunahan nan buhatan sa Turismo nan dakbayan petsa 20 hangtod 22 ning buyan nan Mayo tuig 2021.
Ang kagamhanan sa dakbayan sanan an National Commission for Cultural and Arts amoy hugot na nagpalujo sanan misuporta sa amo na aktibidad sa pakigtambayayong isab nan mga opisyales sanan myembro nan City Culture and Arts Council na tagpangunahan ni city mayor Estong Matugas.
An amo na pagbansay-bansay an gihimo para na sa pagmugna nan isa ka plano para mamahimong sumbanan para paghatag importansya, pag preserba sanan an pagpalambo sa kultura nan Surigao sanan kagikan nan isa ka Surigaonon.
Nahimong mamumulong si Prof. Eric Zerrudo, PhD nan Center for Conservation of Cultural Tropics nan UST, Manila lakip na usab kang Mr. Edison Molanida an Executive Director nan National Commission for Cultural and the Arts Intramuros, Manila.
Dugang pa an nahimong output nan TWG gikan sa maong aktibidad ang e presentar kini sa kadagkuan sa syudad aron ini ma aprobahan sanan mahatagan nan igong pondo para na sa hingpit na pag implementar
(Source: SurigaoCity Pio Facebook page)