Napadayawan ni Mrs. Magdalena Gamayo ti Living Treasure ti Pinili Ilocos Norte babaen ti pannakapasindi dagiti nagduduma a Christmas Decorations iti Plaza ken park ti ili a Pinili idi kalman November 08, 2020 kageddan ti maika siyam a pulo ket innem (96) a tawen ni Gamayo.
Ni lola Daling kas awag dagiti nasinged kenkuana ket napadayawan a kas 2012 Gawad sa Manlilikha ng Bayan ken nakabunyaganna kas Living Treasure ti ili.
Kuna ni Mayor Romel Labasan a napagbalinen a linteg ti November 8 kas Official Lightning ti Christmas Tree babaen iti maysa a Local Ordinance.
Kageddan iti daytoy ket naisariping payen ti paset ti Centennial Celebration ti Pinili Ilocos Norte. (OIC Rodrigo G. Sadian, RPN DZRL Batac)
(Source: LGU Pinili, Ilocos Norte)