Inilabas na ng PAGASA ang listahan ng mga pangalan ng bagyong papasok sa Philippine Area of Responsibility ngayong taon.
Apat na set ng pangalan ang inilabas ng PAGASA na gagamitin muli sa loob ng apat na taon.
Una sa listahan ang Bagyong Amang; Betty; Chedeng; Dodong; Egay; Falcon; Goring; Hanna; Ineng; Jenny; Kabayan; Liwayway; Marilyn; Nimfa; Onyok; Perla; Quiel; Ramon; Sarah; Tisoy; Ursula; Viring; Weng; Yoyoy at Zigzag.
Binura naman sa listahan ang “Lando,” na may international name “Koppu” na pinalitan ng “Liwayway” habang ang “Nona” ay pinalitan ng Nimfa matapos lumampas sa isang bilyong piso ang halagang pinsalang idinulot ng mga nabanggit na bagyo noong 2015.