31.9 C
Manila
Saturday, April 13, 2024

Libreng Sakay Mapahimuslan Sa Mga Sugboanon

- Advertisement -
Mahimong hapsay ug sayon na alang sa mga Sugboanong commuters ang paggamit sa transportasyon atol sa kasaulugan sa pasko.
Ang Department of Transportation (DOTr) inabagan sa Presidential Assistance for the Visayas, Land Transportation Office (LTO-7) ug usab ang Land Transportation and Regulatory Board (LTFRB-7) mitanyag karon sa publiko alang sa free rides sugod sa Disiembre 20 hangtud sa petsa 24, 2018.
Matud ni LTO-7 Director Victor Emmanuel Caindec ang free rides magsugod sa alas 5 sa hapon hangtud sa alas 10 sa gabii. Gilusad kagahapon ang Oplan Libreng Sakay Pamasko 2018 ug ubos sa maong programa 20 ka mga bus units ang mahimong magamit sa publiko.
Napulo ka mga buses ang mobiyahe paingon sa amihanang bahin sa lalawigan sa Sugbo samtang ang laing napulo ka mga buses ang mobiyahe paingon sa habagatang bahin sa lalawigan, sumala pa ni Caindec. Ang mga senior citizens, mga mabdos ug ang mga Persons with Disabilities (PWDs) gitagan-an usab og laing usa ka bus. Mga tinugyanan sa LTO-7, LTFRB-7, Highway Patrol Group (HPG) ug PNP personnel mo-escort sa mga buses nga ubos sa Libreng Sakay Program.
Ang mga buses sa Ceres Bus Lines, Catalina bus, SMB bus ug ang mga buses nga gipadagan sa Cebu Small Bus Operators maoy gigamit sa Libreng Sakay Program, matud pa usab ni Caindec.
- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -