General Santos City – Nanawagan ang local medical community ngadtu sa General Santos City government nga motunol na og libre nga reverse transcription-polymerase chain reaction kon RT-PCR services sa mga residente, aron mas sayo nga matapna ang pagkaylap sa Covid-19.
Gihimo ni Philippine Medical Association-GenSan chapter president Dr. Fidel Peñamante ang panawagan, human matala sa miaging adlaw ang 191 nga dugang kaso ug ang sunod-sunod nga triple-digit nga pag-ambak sa Covid patients sa siyudad.
Saysay pa sa opisyal, sayong mapa-ilawom sa proper isolation ug treatment ang mga adunay minimal o mild symptoms kung gilayong mapailawom ang mga nahisgutan sa testing.
Nagtuo pa si Peñamante nga daghan ang nagduha-duha nga mopailawom sa test gumikan sa mahal nga presyo sa RT-PCR, diin anaa sa ₱ 4,500-₱ 5,000 ang presyo.
“This should be offered for free by the local government. This way, we can detect and isolate more infected individuals, and prevent them from transmitting the disease,” ang tipik sa pamahayag sa opisyal.
Gawas sa testing ug contact tracing, giawhag usab sa PMA official ang LGU nga palapdan pa ang vaccination rollout niini sa mga residente.