Libreng Franchise Renewal Fee Sa Tricycle, Giduso Sa Gensan

KARON pa lang daghan nang nalipay nga tricycle driver sa General Santos City sa giduso nga ordinansa ni City Councilor Jose Edmar Yumang nga wala nay bayronon alang sa renewal sa ilang prangkisa ning tuiga. Takdang dunggon pa hinoon kini sa komitiba sa transportasyon,apan dako ang paglaom ni Councilor Yumang nga maaprobahan kini sa konsiho ilabina nga dako kining tabang sa mga tricycle driver nga naigo sa pandemya sa COVID-19. Sa kasamtangan ang franchise fee sa pag-renew sa tricycle anaa sa 2,000 pesos, wala pa kini labot sa pagkuha og Motorized Operator’s Permit nga 300 pesos, duna pay 200 pesos nga filing fee, 200 pesos para sa environmental fee ug uban pa. (RPN NEWSROOM)