Naheling an pag-kakasararo asin bakas nin kaogmahan sa saindang pandok an mga Miembros, Officiales, asin mga board of Directors kan bagong hamanon na LGU-Iriga City Retirees Association kan Ciudad nin Iriga,
An nasabi nang gropo nagbisita mismo sa ofecina kan alkalde tanganing magka-igua nin Courtesy Visit asin man urulay mapadapit sa bagong muknang ICRA asin man ipaaram kun ano mananggad an katuyuhan sa pag-bilog kan gropo kabali naman si saindang maiikontrebuer sa local na gobierno nin huli ta sinda nagtutubod na kaya pa nindang makatabang sa pagmamanihar kan mga bagong tukaw na mga officiales kan Iriga,
Mismong pinangenutan ni ICRA President Mr. Carlito M. Oliva an pagbisita sa alkalde nin huli ta nagtutubod sinda na makusog pa, Capable, asin dara an pagiging Expertise sa pag-tabang sa local na gobierno.
Kun magigiromduman an mga officiales asin mga miembros kan ICRA haloy nang nagtrabaho o nagserve sa local na gobierno kan ciudad nin iriga.
Si Mayor Rex Oliva pig-imbitaran man kan gropo para maging Guest of Honor kan ICRA 1st General Meeting sa Ciudad nin Iriga. (JV Navarro Verdeflor Jr., photo courtesy of LGU Iriga City)