General Santos City – Ang General Santos City giila nga Best Program Partner sa Department of Social Welfare and Development (DSWD) ubos sa Sustainable Livelihood Program (SLP).
Kini nga pag-ila maoy pamatuod sa dedikasyon sa lokal nga kagamhanan, pinangulohan ni Mayor Lorelie Geronimo Pacquiao, sa pagpasiugda sa mga programa sa ekonomiya nga nagtumong sa pagpalambo sa panginabuhian sa katawhan.
Ang pasidungog opisyal nga ihatag sa Gawad Kaliningan 2024 nga gipahigayon karong Nobyembre 22, 2024, alas-2:00 sa hapon sa SM City General Santos Event Center.
Kini usa ka pag-ila nga nagpakita sa malampuson nga mga paningkamot sa siyudad sa paghatod sa malungtarong kalamboan alang sa mga benepisyaryo sa programa. (Rem Agdon)
(Source: CMO)