Patay an isa ka 29 anyos na layaki human kini gipusil-patay sa waya pa makilay-i na suspetsado sa may Borromeo kanto Roxas St. Brgy. Washington, Surigao City partikular sa Arbees Bakeshop sa alas 7:40 an takna sa gabie kagaina, Setyembre 19, 2020.
Nakilay-an an biktima nga si Ronald Ugat Garde, 29 anyos, may live in partner, residente sa Purok Site, Brgy. Orok, Surigao City.
Sa initial nga imbestigasyon ni PSMS Era Campillos nasayran nga samtang nagpalit an biktima nan pan sa Arbees Bakeshop an kalit nga mitungha an waya makilay-i nga suspetsado ug gipusil ang biktima sa makadaghang higayon gamit ang waya matino nga kalibre sa armas ug dali misibat sa waya masayri nga direksiyon.
Human sa insidente dali tagdaya an biktima sa Caraga Regional Hospital. Sa Crime scene giproseso pinaagi sa mga personahe sa Surigao del Norte Provincial Crime Laboratory Office. Isa ka hot pursuit operation an gihimo sa City PNP alang sa posible nga pag-ila ug pagdakup sa misibat nga suspetsado. Waya pa isab mahibaw-an an motibo sa pagpusil-patay sa biktima.
(Mark James Lisondra, Ronda 21 RPN DXKS Surigao)