Ang mga magtutungha gikan sa tulunghaan sa Andres Bonifacio College (ABC) Law School, nipahihayon ug usa ka legal aid visit sa pasilidad sa Bjmp Dipolog City Jail Male Dormitory niadtong Mayo 27, 2024.
Kini gibuhat alang sa paghatag ug esensyal nga legal nga tabang ug suporta alang sa mga PDL sa maong pasilidad, pagpasabot sa ilang mga katungod, pag-navigate sa legal nga mga pamaagi, ug pag-andam sa ilang mga kaso.
Tumong niining inisyatiba mao ang pagsuporta sa kaayohan sa PDL ug pagsiguro nga sila adunay access sa gikinahanglan nga mga kapanguhaan ug impormasyon ug diin sila nag apod-apod usab ug mga pagkaon ngadto sa mga PDL, nga nagtubag sa legal ug humanitarian nga mga panginahanglan. (Medalyn U. Borja)
(Source: Bjmp Dipolog City Jail Male Dormitory)