Sikop sa hiniusang operasyon sa mga personahe sa kapulisan ang usa ka lalaki mga alas 1:20 ang takna sa hapon,Enero 28,2025 ,didto sa Barangay San Antonio, Manukan, Zamboanga del Norte.
Ang maong operasyon miresulta sa pagkasikop ni Jeric Epat Rendon, kinsa gidakop sa mga personahe sa Manukan Municipal Police Station (MPS), kauban ang Provincial Intelligence Unit (PIU) ug 1st ZNPMCC, tungod sa kasong Serious Physical Injuries ubos sa Article 263 sa Revised Penal Code.
Gihimo ang pagkadakop sa suspek pinaagi sa Warrant of Arrest nga giisyu ni Hon. Veronica Cagandahan Laput, Presiding Judge sa Municipal Trial Court, 9th Judicial Region, Manukan, Zamboanga del Norte, pinetsahan Abril 15, 2024, nga adunay girekomendar nga piyansa nga mobalor sa P18,000.00.
Ang dinakpang gipahibalo sa iyang mga katungod sa konstitusyon, lakip ang Miranda Warning ug ang Anti- Torture Law, anaa na kini karon sa kustodiya sa Manukan MPS alang sa tukmang dokumentasyon ug disposisyon.(Medalyn U. Borja)
Source: ZNPPO