Nakumpiska ang ₱40,800.00 nga balor sa gitoohang shabu sa gihimong buy bust operation sa Talamban Police Station 8 gipanguluhan ni PMAJ ALVINO B ENGUITO pasado alas 10 sa gabii niadtong Setyembre 28, 2024 didto sa Brgy. Pit-os, bukirang bahin ning syudad sa sugbo.
Ang suspetsado usa ka 27 anyos nga lalaki ug residente sa Barangay Guba. Nakuha gikan sa suspek ang buy-bust money ug nagkadaiyang pakete sa gitoohang shabu nga mukabat sa 6 gramos ang timbang labot na ang usa ka 9 mm caliber pistol ug duha ka buhing bala.
Padayun ang gihimong imbistigasyon sa kapulisan kabahin sa kalambigitan sa maong suspek sa sunod-sunod nga mga panghitabo kalabot na sa shooting incident ning dakbayan sa sugbo human makuhai ug armas atol sa gihimong buy bust operation.
Kasamtangan nga naa sa kustodiya sa Talamban Police Station 8 ang suspek ug nag-atubang sa kasong pagpamaligya ug paghupot ug illegal nga droga ubos sa violations of Secs. 5 and 11 Art. 2 of R.A. 9165 o Comprehensive Dangerous Drugs Act of 2002 ug R.A. 10591 ilegal nga paghupot ug dili lisinsyado nga armas. (Renante Lada and Ting Joe Pepito)
(Source: CCPO)