Na priso na ang batan-ong drayber sa pickup truck nga nalambigit sa hit and run sa brgy. Colon, siyudad sa Naga, Cebu nga mipatay sa usa ka siklista sa miaging Domingo sa kaadlawon.
Nailhan ang dinakpan nga si Joseph Elgie Gentapa, 24 anyos, mulupyo sa South Glendale Subdivision, brgy. San Isidro, Talisay City.
Una niini, gilusad sa kapolisan sa Naga ang hot pursuit operation inabagan sa kapolisan sa Talisay tungod sa pagpabadlong sa drayber sa pickup nga mibiya lang sa biker nga iyang nadumbolan-patay.
Suma pa sa kapolisan, ilang nasubay ang nahimutangan ni Gentapa base sa footage saCCTV camera.
Sa nasayran, ang nakalas sa hit and run mao si Jose Romilo Blanco nga taga sityo Lote, brgy. Poblacion, Naga.
Gisuwayan pa paghatod si Blanco sa labing duol nga tambalanan apan patay nang nahiabot. l via Jhon Tadlip/JTY
Source/Photo : Naga City Police Office
: Talisay City Police Office