Cagayan de Oro City – Ang lokal nga kagamhanan miconverter na usab sa laing hotel alang sa usa ka treatment facility alang sa COVID-19 patients samtang padayon nga nagkataas ang bag-ong infections sa nakalabay nga mga semana. Si City Health Officer Dr. Lorraine Nery nagbutyag nga sa nakalabay nga semana adunay 222 ka mga active cases ang narecord sa syudad. Matud niya, duha ka kaso ang namatay niining bag-o sa Northern Mindanao Medical Center, ang main hospital alang sa pagtagad sa infectious disease dinhi sa region 10.
Sa miaging semana lamang, gisugilon ni Dr. Nery nga adunay upat ang namatay ug adunay 41 ka mga pasyente ang naadmit sa NMMC ug sa ubang treatment facilities. Sa gipahigayon nga press briefing sa City Hall. Si Mayor Oscar Moreno nagsugilon nga alarming na kini nga sitwasyon.
Ang hotel nga naa ra mahimutang sa sentro sa syudad nga gi-convert karon nga treatment isolation facility ang alang sa asymptomatic Covid-19 patients.
Nasayran nga ang City Hall nagconvert sa mga hotels ug pension houses sa dakbayan aron sa pag-accommodate sa mga asymptomatic Covid-19 patients sa mga mang-abot nga Locally Stranded Individuals (LSIs) ug Returning Overseas Filipinos (ROF).
(Source: City Information Office)